Plantun de Prouvènço

Pèr coumpara dos planto d'encò nostre

Crepis foetida subsp. foetida & Fraxinus excelsior

Mourre-pudènt

Crepis foetida subsp. foetida

Asteraceae Compositae

Àutri noum : Poutarié-pudènto, Mourre-de-porc.

Noms en français : Crépide fétide, Barkhausie-fétide.

Descripcioun :
Lou mourre-pudènt es uno planto coumuno que se rescontro à la fin de l'estiéu. Lou biais lou mai eisa pèr lou recounèisse, èi de freta uno fueio dins la man e de la senti... Aquelo subsp. se destrìo de Crepis foetida subsp. rhoeadifolia qu'a de péu proun glandulous sus li bratèio de la flour coumpausado. Peréu tóuti li boutoun de flour retoumbon eici.

Usanço :
Lou mourre-pudènt emé soun óudour e soun marrit goust èi pas bon à manja en ensalado. Aleva acò, couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Camin - Colo
Estànci : Pancaro entresigna
Couroulougi : Pancaro entresigna
Ref. sc. : Crepis foetida subsp. foetida L., 1753

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).